..::þetta reddast::..

Flutningur

Tue, 03 Oct 2006 01:33:17 GMT

ÉG ER FLUTT.... http://raggaerna.bloggar.is/

Allir velkomnir í heimsókn!!

Sálarball og bíóferð

Sun, 23 Jul 2006 22:55:38 GMT

Leti leti...bloggleti!

Nú er ég komin í tveggja vikna sumarfrí....reyndar byrjaði á fimmtudaginn í síðustu viku. Ó lord hvað næstu dagar verða næææææs!

Við stelpurnar í boltanum skelltum okkur á Sálarballið á Nasa á föstudaginn fyrir viku. Það var partý hjá mér fyrir ballið. Hrikalega gaman. Svo gaman að einum nágranna mínum fannst við vera að skemmta okkur aðeins of vel svo hann ákvað að hringja á lögregluna....KL.23:40!!!! Ég gat ekki annað en hneykslast og hlegið yfir þessu. Jæja en hvað um það.....við fórum á ballið, en ég var ekki með miða því það var orðið uppselt þegar ætlaði að kaupa mér miða í forsölu fyrr um daginn......þannig að ég ákvað bara að HLAUPA INN Á BALLIÐ með hjálp Hildar vinkonu! Þetta var náttúrulega bara það fyndnasta í heimi. En ekki nóg með að ég hafi hlaupið inn á ballið heldur missti ég annan skóinn minn á hlaupinu! Vegna ölvunar var mér nokkuð sama, bara seinni tíma vandamál!!! Ó jesús guð hvað við skemmtum okkur vel á ballinu......enda búnar að bíða eftir þessu kvöldi síðan í maí :) Well o well ballinu lauk og ég var svona aðeins farin að hafa áhyggjur af skónum hehe! En sem betur fer fannst skórinn þegar ég var að ganga út af Nasa....lucky me :D Hefði nefnilega ekki verið mjög lekkert að labba upp Laugarveginn á einum skó! Læt þetta duga um þetta kvöld...

..........

Jæja búin að sjá enn eina myndina í bíó. Stick it er sú nýjasta.....svona fimleikamynd. Fór með Þorbjörgu á hana og það var aldeilis upplifun! Þorbjörg er fimleikaþjálfari með meiru. Það voru ekki liðnar nema svona 15 mínútur af myndinni og ég heyri í Þorbjörgu segja "puff....maður á ekki að vera í svona fötum þegar maður er á æfingu!" og ég bara "uuuu.....já okey".......5 mínútur líða og Þorbjörg stekkur fram í sætið sitt og bendir fram og segir hátt "ÞESSI ER FRÆG"....mér brá! ....og missti af þessari frægu, veit ekkert hver hún er....skiptir svo sem ekki miklu.....en þetta var mjög fyndið því þegar hún kallaði fram í salinn þá sá ég nokkra hausa í salnum snúa sér við :) .....svo heyri ég stuttu síðar Þorbjörgu segja "þessi er pottþétt ekki í fimleikum....hún er með APPELSÍNUHÚÐ á lærunum!!" Þetta var áhugaverð bíóferð....og ég barasta bíð spennt eftir næstu ferð með Þorbjörgu hahaha!!

Þetta er orðið gott...þangað til næst....hvað segið þið annars gott?

life is life....dadarararaaa....

Fri, 07 Jul 2006 00:17:14 GMT

Held að ég sé búin að slá met í bíóaðsókn! Á rúmri viku er ég búin að fara 4 sinnum í bíó....búin að sjá Click, Cars, Just my luck og The Break up.....reynið að toppa þetta!

Annars gengur lífið bara sinn vanagang....vinna og fótbolti og ég er bara nokkuð sátt við það :) Nú eru bara 2 vikur eftir af vinnunni og þá fer ég í smá sumarfrí en byrja svo aftur að vinna. Hlakka til að komast í frí, yndislegt :)

later skater...

bla bla...

Mon, 26 Jun 2006 23:30:55 GMT

Var á Sauðárkróki um helgina með stelpurnar mínar úr 3. flokki ásamt Haffa. Svaka fjör á Króknum og nóg af sól.....ég og Haffi erum allavega skaðbrennd eftir helgina! Núna er ég kölluð Ragga rauða eða Ragga karfi :) Gaman! Kom heim í gærkveldi alveg búin á því....drulluþreytt.

Á meðan ég var á Króknum að grilla mig í framan þá útskrifuðust Halldóra, Hildur og Auður frá HÍ. Halldóra er orðin líffræðingur, Hildur sjúkraþjálfari og Auður jarðfræðingur. Ég er æðislega stolt af stelpunum og mér finnst svo frábært að þær útskrifuðust allar saman.

Annars er nú bara lítið að frétta. Maður er bara að vinna, þjálfa og á æfingum. Svo kannski skreppur maður á kaffihús eða í bíó á kvöldin og um helgar. Gamla settið fór til Barcelona á fimmtudaginn og koma ekki heim fyrr en í næstu viku þannig að ég er bara ein heima....ógó næs :)

- Adios -

Tíminn líður hratt....á gervihnattaöld....dúddúrúdúú!!

Wed, 07 Jun 2006 16:44:34 GMT

Tíminn líður ekkert smá hratt. Það er komin miðvikudagur og bráðum komin helgi....again!

Síðasta helgi var bara ansi skemmtilegt. Á föstudaginn var ég bara að vinna til hádegis því ég átti að vera mætt í Stúdíó Sýrland í Hafnarfirði kl.14 með Halldóru, Gurrý og Arnbjörgu að taka upp bakraddir fyrir nýja diskinn hennar Keren Ann. Keren Ann er annar helmingurinn af hljómsveitinni Lady & Bird og er m.a. rosalega fræg í Frakklandi....er oft kölluð Norah Jones Frakklands :) Við stelpurnar vorum þarna í Sýrlandi í rúma 4 tíma að taka upp allskonar raddir, kom ekkert smá töff út og Keren var æðislega ánægð með okkur og sagði að þetta hefði verið fullkomið 8) Snorri Idolstjarna með píkiskrækiröddina var svo í öðru stúdíói hinum megin við ganginn að vinna eitthvað.......við stelpurnar puffuðum bara á það, okkur fannst við vera miklu frægari og flottari!!! hahaha...

Á laugardaginn fór ég á æfingu og að þjálfa. Kíkti í bæinn seinna um daginn og hitti mömmu, pabba, afa, Dísu og Adda á kaffihúsi. Um kvöldið fór ég síðan með Halldóru á Barinn (gamli 22) og hittum þar Arnbjörgu, Lovísu og Véstein. Lady & Bird áttu að fara að snúa skífum (DJ-a!) en við gáfumst upp á að bíða eftir því og fórum bara heim.

Sunnudagurinn var ömó leiðinlegur. Næstum því eins leiðinlegur og Föstudagurinn langi á páskunum. Gerði ekki rassagat til kl.18 en þá fór ég á æfingu. Það var sama upp á teningnum hjá meirihlutanum af liðinu.....enginn var búin að gera neitt allan daginn!!

Á mánudaginn var vaknað snemma og keyrt upp á Reykjavíkurflugvöll. Við í fótboltanum á leið til Akureyrar að pakka saman Þór/KA í Íslandsmótinu. Að sjálfsögðu gerðum við það og unnum leikinn 4-0. GEGGJAÐ :) Kvöldið var svo á rólegu nótunum. Ég og Þóra Sif fórum út á videoleigu og tókum The Notebook....alltaf jafn æðisleg þessi mynd. Mæli með henni stelpur ;)

Later skaters....

DJÖÖÖ...

Wed, 31 May 2006 16:04:50 GMT

Kepptum við Valsstelpurnar í gær í roki og smá rigningu....en hvað um það, við skitum upp á bak! Ég fékk það hlutverk í seinni hálfleik að dekka landsliðsleikmanninn Rakeli Logadóttur, ekkert minna en það! Ó mæ lord hvað það var erfitt....hún er náttúrulega bara með ragettu í rassgatinu og hleypur út um allt og ekkert smá hratt....djísús. Segjum bara að ég hafi ekki alveg verið að ráða við hana.....og plús það þá verkjaði mig í kálfana og hásinarnar í hverju skrefi vegna óbilandi stífleika. Hörmung. Alls ekki minn besti leikur og ég sjálf ekki sátt við mitt :(

Æj ég er að reyna að hætta að svekkja mig á þessu....gengur ekkert svo vel.

Thank God!

Fri, 26 May 2006 17:13:09 GMT

Þakkaðu fyrir að vera ekki stórstjarna því annars...

...værir þú búin að vera gift fjórum sinnum og trúlofuð átta sinnum.

...ættir þú fullan skáp af fötum sem þú gætir ekki notað því þú ert búin að nota þau einu sinni áður.

...væri talað um það í viku þegar þú fórst út með bólu á nefinu.

...mættir þú bara drekka pepsí samkvæmt samningum.

...værir þú rosalega glötuð að hafa aldrei fengið óskarsverðlaun.

...mættir þú ekki vera með mjúku góðu línurnar fyrir aðra að klípa í.

...heyrðir þú ekki fuglasöng fyrir öskrum aðdáenda liðlangan daginn.

...ættir þú kærasta sem mögulega gæti yfirgefið þig fyrir Angelinu Jolie...og ekki getur það verið gott fyrir sjálfstraustið.

...héti barnið þigg fáránlegu nafni eins og Ayatola, Houston, Apple, Höfn, New Jersey, Kiwi, Ipod, Brokkolí eða eitthvað álíka fáránlegt!

Fann þetta í blaði....fannst þetta soldið skondið! Thank God að ég er ekki fræg!!!!

3-0 thank you very nice

Wed, 24 May 2006 15:41:45 GMT

Gleði gleði! Já já já já.....í gær spiluðum við Fylkisstelpurnar okkar annan leik í Landsbankadeildinni. Skruppum í Kaplakrika og spiluðum við FH og bustuðum þær 3-0...ekkert minna en það takk fyrir :)

Hef ekkert meira að segja í dag...

He he he....hæ

Sat, 20 May 2006 13:51:03 GMT

Ég er komin heim frá Tyrklandi!!!! Reyndar alveg 2 dagar í að það sé mánuður síðan ég kom.....daddaraaa! En það var allavega alveg hrikalega gaman í Tyrklandi. Æfðum rosalega mikið, workuðum tanið og ég veit ekki hvað og hvað. Algjör snilld :) Myndirnar frá Tyrklandi eru komnar inn.

Fjórum dögum eftir að ég kom heim þá fór ég til Köben með vinnunni. Skoðuðum fullt af frístundamiðstöðvum og fleira tengt því. Þessi ferð var líka algjör snilld :)

Síðustu vikur hef ég:

* verið mikið á fótboltaæfingum.

* þjálfað gelgjurnar mínar í 3. og 2. flokki.

* tekið tvö heimapróf. Annað þeirra var ÓGEÐLSEGA LEIÐINLEGT sólarhringspróf en hitt var þriggja tíma próf...það var aðeins skárra.

* klárað enn eina önnina í skólanum.

* áttað mig á því hvað ég er komin með sítt hár!

* og margt fleira sem ég barasta man ekki í augnablikinu....

Bless Bless

Wed, 12 Apr 2006 09:38:45 GMT

Ég er farin til Tyrklands. Verð þar til 22. apríl í massívri æfingaferð með fótboltanum....

Hafið það gott um páskana :)

Afhverju gerir fólk þetta?

Wed, 05 Apr 2006 22:59:40 GMT

Guð minn almáttugur....hvað er að gerast í íslensku sjónvarpi!!! Ég rétt skipti yfir á Sirkus áðan og þar var verið að sýna Bikinímódel Íslands 2006 með Ásdísi Rán "über gellu" í fararbroddi....mér finnst hún ein af þeim sorglegasta manneskjum sem búa í Reykjavík! Jæja en allavega, þegar ég skipti yfir á Sirkus þá var einmitt verið að reka eina gelluna.....og sú sem var rekin fékk það komment frá Miss über gellu að hún ætti við vandamál að stríða og það væri tennurnar á henni og að hún brosti ekki nógu mikið og hún færi hjá sér ef hún gerði það!!! what? Ég fékk þvílíkan aulahroll þegar ég horfði á þetta....OMG! Jæja svo lauk þættinum og þá var sýnt brot úr næsta þætti.....og getiði nú......allar fara í náttfatapartý á einhverju hóteli og svo var sýnt frá því þegar nokkrar voru á hlýrabolnum og naríunum í KODDASLAG! Töööff :S

Þetta var SAAAAD þáttur......heyrðu gleymdi einu....einn þátttakandinn í keppninni er Ósk Norðfjörð.....gæran sem er alltaf í Séð & Heyrt....var einmitt í síðasta blaði....surprice! Anywho....Ósk er 27 ára þriggja barna móðir....MEIN GOD...how low can go að fara bikinímódelkeppni...ég nú bara spyr?

Jæja ég er hætt....varð bara að drulla yfir þennan viðbjóð 8|

Íslenskur kúreki - æfingabúðir - curling og fl.

Tue, 21 Mar 2006 12:26:29 GMT

Óvissuferð....Best að fara að rifja upp síðustu daga.....um þarsíðustu helgi fórum við stelpurnar í boltanum í brjálæðislega skemmtilega óvissuferð. Byrjuðum daginn snemma, liðinu var skipt upp í 3 minni lið og fékk hvert lið ákveðið þema. Mitt lið fékk kúrekaþema og áttum við því að vera í kúrekafötum allan daginn. Ég, illinn, á náttúrulega engin kúrekaföt heldur bara lopapeysu og gúmmístígvél....þannig að ég ákvað að taka kúlið á þetta og vera bara íslenskur kúreki! Ég var auðvitað langflottust á meðan afgangurinn af liðinu mínu var eins Jessica Simpson úr Dukes of Hazzard!! En jæja, ef ég geri langa sögu stutta þá vorum við í geggjuðum ratleik allan daginn en enduðum svo í sumarbústað á Hellu. Þar var farið í pottinn og partýast fram á nótt....sumir lengur en aðrir!!

Skólinn....Ég var í skólanum í síðustu viku, mánudag til miðvikudags. Það var bara mjög fínt. Ég er svo fegin að loturnar eru ekki lengri en 3 dagar núna....finnst alveg glatað þegar þær eru í 4-5 daga því þá missi ég svo mikið úr vinnu. En síðustu 3 vikur er búið að vera brjálað að gera í skólanum...skilaði inn 4 verkefnum. Alveg ömurlegt þegar öll verkefni hrúgast á sömu vikurnar og jafnvel sömu dagana.

Æfingabúðir.... Um síðustu helgi fór ég í Nobili-æfingabúðir í Munaðarnesi. Stoppaði nú reyndar stutt þar því ég kom seint um kvöldið á föstudeginum og fór á laugardagskvöldið. Þó ég hafi verið stutt þá skemmti ég mér mjög vel og okkur gekk bara nokkuð vel að æfa :)

Curling.... Ég er komin í curling-lið!! Ég, Erla, Þorbjörg, Bjarni og Davíð stofnuðum liðið um daginn. Við æfum eiginlega ekki mikið en við höldum alltaf töflufundi 2-3 í viku eftir kvöldvaktir í vinnunni. Töflufundirnir eru haldnir á barnum Valla, sem heitir ekki einu sinni Valli heldur eitthvað annað en við köllum hann samt Valla ok skiluru!! Stefnum samt á að heimsækja Skautasvellið í Laugardal við tækifæri og fá að taka eina æfingu í curling....allavega á þessu ári 8)

Myndir frá óvissuferðinni eru hérna til vinstri....leitið og þér munuð finna!

...

Mon, 06 Mar 2006 23:02:56 GMT

Funduð þið jarðskjálftann í dag?

Ég fann fyrir honum....alltaf svolítið spennó að finna fyrir jarðskjálfta :) Ég var samt pínu hrædd :lol:

Vá fyndið (eða e-ð)....um 12 mínútum eftir að síðasta færsla var skrifuð þá byrjaði allt að skjálfa!!

Ekkert að segja...svosum

Mon, 06 Mar 2006 14:18:26 GMT

Síðasta vika var crazy!! Brjálað að gera í vinnunni, var að vinna massa mikið því Bjarni var í útlöndum. Síðan hef ég náttúrulega líka verið að þjálfa og æfa....s.s. nóg að gera hjá rauðhausnum.

Helgin var líka frekar strembin. Föstudagurinn fór í Samféshátíðina.....vann allan daginn og svo var farið með 58 fáklæddar 14-16 ára unglingsstúlkur og 2 töffara á Samfésballið í Mosó um kvöldið. Þetta var fínt ball og gaman að fylgjast með öllu dramanu hjá sumum stúlkukindum. Mein god! Á laugardeginum lauk hátíðinni með söngkeppninni. Þaut síðan af keppninni og fór að keppa æfingaleik á móti Blikum. Okkur gekk alveg þokkalega þrátt fyrir tap, en ég var samt ekki nógu sátt við sjálfan mig í leiknum.

Um kvöldið fór ég í bíó með Kollu og Heiðu Rún að sjá myndina Match Point. Ágætis mynd en spes endir. Vá! Gátum ekki annað en hlegið þegar myndin umturnaðist allt í einu í eitthvað rugl!! Segi ekki meira. En ég mæli ekkert svo mikið með þessari mynd.

Á sunnudaginn fór ég að þjálfa og síðan á LANGA æfingu í Egilshöll eftir það. Kom heim og dó! Gerði ekki neitt vegna þreytu.

Æj þetta er hundleiðinleg færsla....ég er hætt.

Obbladí obblada...

Mon, 27 Feb 2006 11:17:34 GMT

Jæja já.... tíminn líður ekkert smá hratt og ég ógeð léleg að blogga. En það er búið að vera mjög svo skemmtilegt að fylgjast með æsispennandi umræðum á kommentinu á síðustu færslu......umræðan snýst um púður!!

En já, ég er búin að vera léleg að blogga undanfarið en ég hef alveg fullt að segja frá. En svo þegar það líður lengri og lengri tími þá verður alltaf erfiðara og erfiðara að setjast fyrir framan tölvuna og byrja að skrifa eitthvað. Og þegar það er liðinn svona langur tími þá hefur maður svo margt til að segja frá og þá er hætta á því að færslurnar verði of langar og enginn nennir að lesa þær! Okey, þessi færsla er strax byrjuð að vera leiðinleg. Ég er hætt.

Þetta er það sem ég er búin að vera að gera síðustu vikur...:

* Kom fram á árshátíð Ársels og Árbæjarskóla, ásamt mínu yndislega samstarfsfólki, í fimleikabúningi (heilgalli...vibba ljótur) og dansaði. Við vorum ógeðslega flott :)

* Ekkert búin að sinna skólanum í heilan mánuð vegna vinnu og félagslífs eftir vinnu hehe! Ég er samt búin að framkvæma vettvangsverkefnið mitt fyrir skólann :) Mjög sátt með það.

* Söng í leiðinlegum tónleikum um þar síðustu helgi....guð minn góður hvað ég var og er fegin að hafa ekki beðið neinn um að koma og hlusta. Hann/hún hefði dáið úr leiðindum!

* Búin að þræða mörg bókasöfn í Reykjavík í leit að einni helv**** bók fyrir skólann. Ekkert gengur :(

* Skellti mér í heimsókn til Halldóru á laugardaginn með fullan poka af bakarísmat því ég var svo hrikalega svöng....og líka hún. Spjölluðum heilmikið. Halldóra er líka algjör hetja :)

* Ég og Davíð fórum með okkar crazy kids í bíó síðasta þriðjudag. VIÐ FÓRUM Í LÚXUS SAL og sáum Walk the line. OMG HVAÐ ÞAÐ ER GEGGJAÐ AÐ VERA Í LÚXUS. Við bara láum þarna með lappir upp í loft....jesús guð hvað þetta var GEGGJAÐ. Framvegis fer ég bara í lúxus, annað er sko ekki hægt :D Aðeins dýrara, en þess virði...ó já! Myndin var líka rosalega góð. Mæli með henni. Mig langar á hana aftur.

* Búin að fara á góugleði stórfjölskyldunnar. Það var fínt.

* Ég er búin að vera mjög dugleg í fótboltanum síðustu vikur....alltaf að hlaupa, lyfta og ég veit ekki hvað og hvað! :) Massa gaman á æfingu í gær, spiluðum bara og ég var sett á miðjuna, staða sem ég hef aldrei getað spilað....verð alltaf tótallí lost.....en ég bara stóð mig furðu vel og kom sjálfri mér töluvert á óvart hí hí :)

* Reykjavíkurmótinu er lokið og við lentum í 3. sæti.

Ég man ekki meira....enda er það líka allt í lagi.....þetta er orðið ágætt!